Москвада 83 йисан яшда аваз лезгийрин машгьур писатель Зияудин Эфендиеван руш Рена Эфендиева рагьметдиз фена. Р.З.Эфендиева 1938-йисан 28-октябрдиз Махачкъалада дидедиз хьана. Адан аял вахтар бубадин хайи хуьре — Цмурдал акъатна.
Рена Эфендиева Дагъустандин музыкадин культурадин бине кутур Готфрид Гьасанован сухтайрикай тир. ДАССР-дин халкьдин артистка, ДАССР-дин лайихлу артистка Р.Эфендиева Москвада яшамиш жезвай ва Шниткедин тIварунихъ галай музыкадин колледжда тарсар гузвай.
“Лезги газетдин” редакциядин коллективди Р.З.Эфендиевадин хизанриз, вири мукьва-кьилийриз башсагълугъвал гузва.
