“Газпром межрегионгаз Махачкъала” ООО-ди муьштерийрин рикIел хкизвайвал, 2021-йисан эвелдилай башламишна ишлемишнавай газ гьисабдиз къачузвай приборар ахтармишунал, газдин гьакъи вахтунда ва я тамамдаказ тагунай жерме ва я пеня илитIунал ва ам истемишунал эцигнавай къадагъа (мараторий) къуватдай аватнава, хабар гузва идарадин информациядин къуллугъди. И кардал къадагъа 2020-йисан 2-апрелдиз РФ-дин Гьукуматди кьабулай “Гзаф квартирайрикай ибарат дараматра авай ва...
Рутул райондин Хъуьлуьдар регъвер, дингер гзаф авай хуьрерикай сад тир. Ина кьуд динг, ругуд регъв авай. Гила хуьре амайди цин тек са регъв я (адаз кьуьцIерин регъв лугьузва). ТIач, сав регъведайла, хъуьтIуьн вахтунда регъв халкьдин къуллугъда акъвазна жеда. Хъуьлуьдрин регъуьн тарифар авунайтIа жедай, авунач. Шаирриз жедай кьван тарифар ва я рахшандар ийидай ихтияр ава. Мисал...
Гъуьр регъведайбуруз ва фу чрадайбуруз уьлкведин экономикада арадал атанвай четин шартIарин вахтунда кьил акъудиз куьмек гун патал, гьакIни тинидикай гьазурзавай шейэрин къиметар багьа хьунин вилик пад кьунин макьсаддалди Дагъустан Республикадиз федеральный бюджетдай 80 миллион манат чара авунва. РД-дин экономикадин ва мулкар виликди тухунин министерстводи хабар гузвайвал, идан гьакъиндай къарардал РФ-дин Гьукуматдин председатель Михаил Мишустина къул...
Советрин девирда, иллаки 70-йисара, Мегьарамдхуьруьн районда багъманчивал, майвачивал ва гуьгъуьналлаз уьзуьмчивални йигин еришралди вилик физ башламишна. А девирда (1977-1983-йисара) партиядин райкомдин 1-секретарвиле кIвалахай экономикадин илимрин доктор, профессор Зияудин Ферзиевич Пулатова рикIел хкизвайвал, 1980-йисал къведалди районда багъларин кьадар 5610 гектардив агакьарнавай. Икьван багълар республикадин мад гьич са райондани авачир. 2780 гектардилай гзаф майданра салан майваяр цазвай,...
Алай йисан 22-январдиз Дагъустандин Гьукуматда Дербент шегьердилай къерехдай тухузвай рекьиз талукьарнавай совещание кьиле фена. И рехъ эцигунихъ гьам шегьер, гьамни центральный шегьре рехъ автотранспортдикай кьери авунин жигьетдай еке метлеб ава. ЦIийи рекьин куьмекдалди Дербентдиз гьахьзавай чка Набережный куьчедихъ, “Карьер” ва “Аэропорт” микрорайонрихъ галаз алакъалу ийида. Идан гьакъиндай чи редакциядиз республикадин Кьилин ва Гьукуматдин Администрациядин пресс-къуллугъди...
И йикъара Сулейман-Стальский райондин кьил Нариман Абдулмуталибов кьилин духтурханадин мулкарал компьютердин томограф кардик кутадай кьилдин объект эцигунин кIвалахрихъ галаз таниш хьана. 2020-йисан эхирра эцигиз гъиле кьур объект саки акьалтIарнава, алай вахтунда къав язава. Томограф эцигдай объект алай йисан февралдин вацран эхирра ишлемишиз вахкун пландик кутунва. Малум хьайивал, объект эцигуниз 3 миллион манат пул акъатна. И...
2021-йисан 6-январдиз луткунви камаллу агъсакъал, зегьметкеш инсан, “Зегьметдин Яру пайдах” кьве ордендинни са жерге медалрин ва “Ахцегь район” муниципалитетдин кьилин Гьуьрметдин грамотадин (и шабагьар ада яргъал йисарин бегьерлу зегьметдай ва акьалтзавай несил ватанпересвилин руьгьдаллаз тербияламишунай къазанмишна) сагьиб Султанов Мегьамедагъади вичин 93 йис къейдна. Мубаракрай! Мегьамедагъа 1928-йисуз Луткунрин хуьре, зегьметкеш чIехи хизанда дидедиз хьана. Буба Рамазана...
12-январдиз Дербент шегьердин администрацияда Дагъустандин государстводин секретарь Хизри Абакаров республикадин Кьиблепатан мулкунин округдик акатзавай муниципалитетрин кьилерихъ галаз гуьруьшмиш хьана. Мярекатда РД-дин чилерин ва эменнидихъ галаз алакъалу месэлайрай министр Заур Эминова, РД-дин тIебиатдин ресурсрин ва экологиядин министр Рагьман Гьамидова, республикадин тарифрин рекьяй къуллугъдин руководитель Камил Алигъалбацева иштиракна. Совещанидал вилик эцигнавай асул месэла зирзибил вахчунин ва терг...
ТАСС-ди хабар гузвайвал, алай йисуз милли “Самурский” паркунин мулкарал герек тир инфраструктура галаз визит-центр ва музей эцигда. Чешмедиз Дагъустандин тIебиатдин государстводин заповедникдин директордин заместитель Гьажибег Жамирзоева хабар гайивал, визит-центр тамам комплексдикай ибарат жеда. Адак инспекторар ва визит-центрадин къуллугъчияр патал махсус кIвал, ял ядай чка, улакьар ва велосипедар акъвазардай пен, шикилрин выставкаяр тешкилдай майдан, актовый зал,...
Алукьнавай 2021-йисалай башламишна Россиядин агьалийрин яшайишдиз талукь са кьадар дегишвилер къуватда гьатнава. Абурукай бязибуру агьалияр чаз лап хъсандиз таниш тир бюрократиядин итIи-битIийрикай азадзава. Муькуьбуру лагьайтIа, истемишунар мадни кIеви ийизва. Виридалайни важиблубурун арадай яз къейд ийиз жеда — пенсиядиз экъечIдай вахт дегиш, страховой пенсийрин кьадар артух жезва. ГьакIни, уьлкведин кIвалахзавай агьалийривай 13 процентдин налог виридавай сад...
