Ишезава дагъдин хуьрер

ИчIи жезва дагъдин хуьрер,
Кьуру хьанва кIамар, вирер,
Кимер кьунва мирги гъерер,
Сагъ жедатIа ихьтин хирер?

Къвезмач хуьре зенгинин ван,
Авахьиз физ мектебдин къван,
Хабар кьадай касни аван?..
Бес гьикI жедач рикIер пашман?

Гарун нефес ава хуьре,
ДакIарни рак амач кIвале.
Низ эверда, устIар, фяле?
Фикир физва жуьрба-жуьре.

Ялгъуз ама хуьруьн сурар,
Къалин къванер, куьгьне гурар.
Ацахьзава рикIиз зузар,
ГьикI алудда ихьтин гужар?..

«Лезги газетдин» 2019-йисан 43-нумрадай