Игит танкист лезги хва
Радик Маликович Нагъметуллаеваз
— ГьикI ятIа лагь, юлдаш старший сержант,
Гунагь чилел яшамиш хьун ян асант?
— Ватан патал къуллугъ ийиз хъсандиз,
Баркаллу тир буржи я гьар инсандиз,
Чахъ чи намус, кьур присяга — кьин ава.
Диде Ватан нине хьтин хуьн ава.
КIвале, гьелбет, диде-бубад вил ала,
Абурун зал гьамишанда гъил ала.
Амма душман акъвазнавач секиндиз
ЧIуру къастар ава гьар са хаиндиз.
Чи виликан стхайрикай, вахаркай
Душманарна авуднава ахваркай,
Украина душманрикай хуьн патал.
Женг чIугвазва, чIуру ксар кьин патал.
Амма буржи кьиле тухун паталди,
Чал вегьезва, вагьши хьанвай кIватIалди
Цавай къвайи бомбад харцик акатна.
Танк кана ви хуравай рикI акъатна,
Гьич са затIни аквазмач зи вилериз.
Диде, вун заз, малаикдин къайдада.
Куьз аквазвач, беден гьатна далдада?
— КичIе жемир, чан хва, зунни вахъ гала!
Чи далудихъ ватан хвейи гьахъ гала!..
— ГьикI ятIа лагь, юлдаш старший сержант?
— Халкьдин патай рагьмет ава чаз асант!
Мегьамед Мурадовичаз
Пеше ава чахъ, хуьз жуван Ватан,
Дидедин саягъ хуьдай хьиз жуван.
Касдихъ — са диде, са Ватан жеда,
Четин вахтунда абур кьвед хуьда
Фитнечийрикай, ксарикай чиркин,
Вун я дагъви хва, гьам я тахсир вин.
Игитдин саягъ женгина кьена,
ЧIехи тир Ватан, чан гана, хвена.
Фитнечийрикай, ксарикай чиркин,
Ажалдин хуруз хуьз фена эркин.
Эхиримжи яз, кьиникь чин тийиз,
Хквез къаст авай ви рушан патав.
И мукьвал хьайи, ислягь чIавуз цав.
Ам чIехи жеда, шикилдив рахаз,
Игит тир буба, дагъдин лекь акваз!
Женгина кьейи игит хьиз эркин,
Фитнедикай хуьз, ксарикай чиркин,
Хендеда суса Аллагьдиз ялвар
Ийида, женнет багъишиз ахвар.
Ви рушан диде, килигиз яргъаз,
Йифер акъудда, ви руьгьдив рахаз.
Амма ви шикил, ара-бир къвез ван,
Вун дагъдин лекьрез элкъведа жаван.
Вили тир цавай лув гудай чIавуз
Хкаж жеда умуд гваз кьакьан тир цавуз.
Уьмуьрлухда ви тIварни якъин
Хуьда рикIера дагъви халкьарин.
Секин хьухь, чан хва, Аллагьдин рагьмет!
Таржумаяр — Сажидин Саидгьасанован
«Лезги газетдин» 2022-йисан 18-нумрадай.
