Теймур Алиханов
(1924 – 1963)
Забит Ризванова адакай лагьанай: «Теймур Алиханов чIехи кас, асул къагьриман тир. Халкьдин дердияр гьялун патал чаз Теймур Алиханов хьтин къагьриманар кIанда».
Ам 1924-йисуз Къуба райондин Дигагь хуьре дидедиз хьана. Ватандин ЧIехи дяведин женгера иштиракай старший сержант Алихановал кьведра залан хирер хьанай. Дербентда педучилище, Бакуда педагогикадин институт акьалтIарай ада вичин яргъал тефей уьмуьрдин эхирдал кьван хуьруьн школайра муаллимвиле кIвалахнай. Чи халкьдиз ам алакьунар авай шаир, драматург ва журналист хьиз чида.
Теймур Алиханов КцIара 60-йисара кардик хьайи литературадин «РикIин гаф» кIватIалдин ашкъилу иштиракчийрикай сад тир. Къуба райондин газетдин лезги чIалан кьве чин ада гьазуриз акъудзавай. Т. Алиханова райондин школайра лезги чIалан тарсар гунин месэла къарагъарна, ам гьялунални кIевивал авунай.
«Лезги газетдин» 2024-йисан 14-нумрадай.
