Гуьзелхан  Чубанова,

Каспийск шегьердин ­13-нумрадин мектебдин лезги чIалан муаллим

Балаяр

Гьикьван рикIиз чими жеда балаяр,

Абур тушни гьар са касдин хиялар!

Хуьда за куьн гьар сад багьа са затI хьиз,

Шадвилелди гъиле кьадай тIаратI хьиз.

 

Легьзедани алатдач куьн рикIелай,

Гьакьван кIани жеда велед дидедиз.

Дуьа кими жедач ерли мецелай,

Аллагьдивай тIалаб ийиз эбеди.

 

Гъетер хьиз я куьн нур гузвай йифериз,

Гьич садрани зайиф тахьуй эквер куь.

Нур аватуй куь уьмуьрдин рекьериз,

Муштулухри шад авурай рикIер куь!

 

Куьн дидейрин, куьн бубайрин дамах я,

Абурун рикI тIар жедай гаф лугьумир!

Диде-буба уьмуьрда квез даях я,

Абурун пер пашманвилив вугумир!

«Лезги газетдин» 2024-йисан 12-нумрадай.