Шиир 1991-йисуз, Дербентда дуьньядин литературадин зурба гъед Низами Генжевидиз памятник ачухдайла, 21-ноябрдиз кхьена.
Машгьур востоковед, академик Е.Э.Бертельса къейднай: “Эгер вири вахтарин шаирар са жергеда акъвазарунин лазимвал арадал атанайтIа, за, кIусни шаклу тахьана, сад лагьай чкадал Низами Генжеви эцигдай”.
* * *
Рагъ куз, дуьнья гуьзел я —
Низамидин гъезел я!
А камалдин нурари
Йиф кIудда зи кIурарик.
Ифин твада къелемда,
Туькьуьлвилер веремдай.
Эбеди сес шаирдин
РикIе ава магьирдиз.
Генжевидин экуьни
Хуьзва дуьнья секиндиз.
Гьавиляй ам туьхуьдач,
Шаир вични хъфидач!
Уьмуьр чилел давамда,
Несилар хуьз илгьамда .
Асиррилай уьтквемдиз
Хтанва ам Дербентдиз.
ГьакI ваъ, куьне гъимир шак —
Акваз вичин яр Афак*!
______________________
*Афак — Дербентдин сердер Музаффара 1170-йисуз шаирдиз, ада теснифай къасыдадин гьахъ яз, багъишай жегьил руш я. Шаирди ам лукI хьиз ваъ, гьакъикъи кIани свас яз кьабулнай.
(Азербайжан чIалай. Таржума — Мерд Алидин).
«Лезги газетдин» 2021-йисан 40-нумрадай.
