«Чи календарь» рубрикадай
Шаир 1764-йисуз Ахцегьа дидедиз хьана. Ада хайи хуьруьн медресада вичин девирдин гегьенш чирвилер къачуна. Чал агакьнавай тIимил малуматрай, ашукьдин алакьунарни авай Саид Агьмед бахтуни чин къалур тавур ксарикай тир, ам гъурбатризни акъатна. Шиирар ада «са югъ такур уьмуьрдикай», «дава тежер залан дердиникай» теснифна. Са шиирда ада вичикай лагьайвал, ам, «багъ кутуна, бегьер кIватI хъийиз агакьнач». Саид Агьмед 1825-йисуз кьена.
«Лезги газетдин» 2024-йисан 10-нумрадай
