Чи календарь
Самур дередин Лгарин хуьряй тир Фейзуллагьан хва Рамазан (1834-1912) вичин девирдин дерин чирвилер авай ва яратмишзавай ксарикай сад тир. Ада, лезги чIалалай гъейри, араб ва туьрк чIаларал поэзиядин вини дережадин эсерар теснифна. Хайи хуьре ва Ахцегьа медресайра кIелай ада гуьгъуьнлай вичини медресада тарсар гана. Ам халкь савадлу хьунин, илим вилик тухунин терефдар тир. Вичин са шиирда ада кхьизва: «Илим герек я гьар садаз, Пачагьдиз тажни тахт хьиз». Адан ирсинай жагъанвай араб ва туьрк чIаларал кхьенвай эсерар (абурук чIехи жанрайринбурни ква) гьеле лезги чIалаз элкъуьрнавач. Лгави Рамазанакай делилар жагъурайди ва адан шиирар чап авурди М.-А.Садыкъи я.
«Лезги газетдин» 2024-йисан 11-нумрадай.
