Лезги Салигь
Куьгьне чешмейра Салигь ал-ярагъи хьиз къалурнавай ам Куьре магьалдин Вини Ярагърин хуьряй я. Ада хайи хуьруьн медресада тарсар гана. Лезги магьалрани, Ширвандани чIехи алим ва шаир яз машгьур хьана. Лезги, араб ва туьрк чIаларал теснифна. Чал адан яшайишдикай, муьгьуьббатдикай тир ва гьакIни диндин месэлайриз талукь шиирар агакьнава, абурукай яз, — «Ухшар я», «Я Неби», «Куьз ятIа?», «Сагъ жедай», «Негьзава за», «Зун таб гудайди я».
Салигьан туьрк чIалал теснифнавай эсерар М. Ярагьмедова печатдиз акъудна, лезги чIалаз абур Ш.-Э. Мурадова ва А. Къардаша элкъуьрна.
«Лезги газетдин» 2025-йисан 20-нумрадай
