Ракъурдач куьн рикIелай

 

Са чIавузни ракъурдач куьн рикIелай,

Ватанд(ин) кьилел къурхулувал атайла,

Уьтквемвилелд(и) дяведин цIуз фейибур.

Гьамишанда эзберзава мецелай,

Куь гьунарар, кьегьалвилер,

Чун паталди багьа чанар гайибур.

 

Са чIавузни ракъурдач куьн рикIелай,

Гел галачиз квахьна, Ватанда сур тахьайбур.

Гьамишанда эзберзава мецелай

Куь гьунарар, душман тергна,

Чаз азадвал, гъалибвал гвазхтайбур.

 

Са чIавузни ракъурдач куьн рикIелай,

Чи яракьдин гьайбатлувал къалурна­,

Фашизмдин руьгь, юкьван тар хайибур.

Гьамишанда эзберзава мецелай

Вири тIварар, лап гьар са кас,

ЛукIвиликай чи Ватан, гьакI вири  халкьар хвейибур…

«Лезги газетдин» 2021-йисан 18-нумрадай.