Я Сад Аллагь, вакай чара

Гуьзел, дигай гатфар бере
Гьахьна вири халкьар кIвале.
Вучиз тунва на чун кIеве,
Я Сад Аллагь, вакай чара!

Акъуднава багълари цуьк,
Багъ-бустанда рахазва нуькI.
Гьиссеривди ацIанва рикI,
Я Сад Аллагь, вакай чара!

Гьар патахъай къвезва хабар,
Пис я лугьуз дуьньяд гьалар,
Халкьдиз кIвале къвезмач кьарай,
Я Сад Аллагь, вакай чара!

Пенжеридай килигдай кьван,
Тухузва чи вилерин зар.
Ачух дуьнья куьз ятIа дар,
Я Сад Аллагь, вакай чара!..

И Азиз тир сив хуьнин варз,
Аллагьди чаз ганвай и фарз,
Виридан язух атуй ваз,
Я Сад Аллагь, вакай чара!

«Лезги газетдин» 2021-йисан 36-нумрадай