Атлухан Рагьимханов

Къуншидиз тебрик

 

Чандин сагъвал хьурай мягькем,

Вилик фирай гьар са карда.

Берекатар гзаф хьурай,

Са рекьяйни тахьуй дарда.

 

Виш йисарин юбилеяр

Куь вилериз акурай!

Четинвилер, пашманвилер

Фикирдизни татурай!

 

Бахтлу хьурай куь хтулар,

Гьардахъ вичин кIвал хьурай!

Игьтияжра гьат тавурай,

Девлет, гьуьрмет, мал хьурай!

 

Кьилел даим рагъ куькIвена,

Куь кIвалера эквер хьуй.

Вири крар куь туькIвена,

Квез ачух тир рекьер хьуй!

 

Сефиятаз — зи къуншидиз

Хизан шад яз акурай!

РикIиз такIан са легьзени

Вилериз гьич такурай!

«Лезги газетдин» 2021-йисан 38-нумрадай.