Урусат зи ватан я

 

Урусат зи Ватан я.

Ам заз, чан хьиз, масан я,

Гужлу я ам къудратдиз,

Руьгьдиз – хци, сумбат хьиз.

Кьакьанбур я девлетар,

Адаз авай гьуьрметар.

Михьивилиз – чешме я,

Виридаз ам чешне я.

…Алимринни шаиррин

Уьлкве я вун магьир тир.

Ви рухваяр – игитар

Язва лекьер, жигитар.

Вун я дамах, абур я,

Ягьни виждан, сабур я.

Ислягьди хьуй пака ви,

Фирягьди хьуй ака ви.

Вав гекъиг жер чил авач!

Яргъиди хьуй уьмуьр ви,

Инсанвилин жигъир ви,

Урусат зи, Урусат,

Цуькведа хьуй ви гьаят!..

 

Къуватлу я Урусат

 

Къуватлу я Урусат,

Душманривай жеч агат.

Агатайбур къирмишда,

Туьтуьх кьуна бамишда.

Хъсанвал ви дестек я,

КIевевайдаз куьмекдай.

На чан гуда мугьмандиз,

Гуьллейрин хар – душмандиз.

Багъ я вун чи женнетдин,

Рагъ я вун чи гьуьрметрин.

Азиз Ватан, Урусат,

Бул хьуй мадни ви къуват!

На рехъ гузвач гунагьриз,

Гьахьняй кIан я Аллагьдиз.

Туьхуьрзава цIаяр на,

МуьтIуьгъзава къаяр на.

Ислягь дуьнья рикIеваз,

Вун ви дуьзгуьн рекьева.

Йифиз – вацра, йикъариз

Ваз чими хьуй ракъарик.

Урусат – чил незуьрдин,

Вун лувар я уьмуьрдин!

«Лезги газетдин» 2023-йисан 45-нумрадай.