Хпеж Къурбан - Лезги Газет

“Ашукь жемир вун дуьньядин гьавадал…”

Рамазандин варз

Мад атана чаз багьа тир,

Чан ширин, азиз Рамазан,

Фахри-гьалал шагьрияр тир,

Чан ширин, азиз Рамазан.

Низ аватIа гунагь пара,

Гьардаз жеда вакай чара,

Уьмметарин дердин дава,

Чан ширин, азиз Рамазан.

Бахтлубур я сив хуьдайбур,

Нефсиниз тербет гудайбур,

Йифиз тервегь капI ийирбур,

Аллагь рикIел гъиз, Рамазан.

Йиса садра къведай къунагъ,

Чи рикIериз нур гудай рагъ,

Дин исламдин майвадин багъ,

Женнетдин тIям гъиз, Рамазан.

Марифатдин рекьер хуьдай,

Гзаф дерин сирер чирдай,

Шариатдиз бегьер гъидай,

Иман я чи дуьз, Рамазан.

Чаз кьван шадвал хьанани ваз,

Мубарак варз атайла чаз?

Салат-салам Мегьамедаз,

Чан ширин, азиз Рамазан.

ПичIи нефсер михьидай нур,

Гунагьар чи кьезил авур,

Икьван вуна чун шад авур,

Хуш я чи рикIиз, Рамазан.

Женнет-гъилман гьуьруь-вели,

Ви ашкъидал жеда дели,

Дуст Мегьамед сири Неби,

Ваз дуьаяр гъиз, Рамазан.

ЦIусад вацран сир абурар,

Марифатдив дигай базар,

Мусурманрин шад тир сувар,

Мугьман гьар кIвализ, Рамазан.

Сив хвей ксар идай икI шад,

Кьисметрай чаз къведай суз мад,

Икьван на чун уна абад,

Чан ширин, азиз Рамазан.

Сив хуьн сувар мубарак хьуй,

Мегьамедал салават хьуй,

Къуръандин нур чаз кьисмет хьуй,

Дин кьуна кIевиз, Рамазан.

Аллагьди чаз гайи нямет,

Ислам диндин чIехи девлет,

Ийизва ваз чна минет,

Дуьаяр кIелиз, Рамазан.

Шад хьана чун вун атайла,

Мад къведа вун йис атIайла,

Рази жеда фитIре гайла,

Чан ширин, азиз Рамазан.

Залан нефсер кьезилардай,

Тервегьари ширинардай,

КIелиз Къуръан, текбирардай,

Рехъ я даим дуьз, Рамазан.

МичIи сура давадин нур,

Шукур Аллагь, вун чаз ахкур,

Къадридин йиф кьисмет авур,

Чаз сабурар гъиз, Рамазан.

Зал алай чан идай яргъа,

ЦIусад вацран чIехи агъа,

Гунагьриз чи — вакай чара,

Чан ширин, азиз Рамазан.

Гьакъикъатдиз мукьва идай,

Марифатдив агакьардай,

КIеви рекьер чаз ахъайдай,

Чан ширин, азиз Рамазан.

Фирдавусдин женнетдин багъ,

Гунагьриз чи нур гудай рагъ,

Магьшерда кевсердин булах,

Чан ширин, азиз Рамазан.

Сиве жеда рейгьандин ни,

Уьмметарин сири Неби,

Ви тIвар гъана шадвилери,

Гьам юкъуз-йифиз, Рамазан.

Сервер Мегьамед-Мустафа,

Чалай агъзур салам-сафа,

Сад Аллагьдиз гьамди-санаъ,

Гьар камуна гъиз, Рамазан.

И чIал лагьай Хпеж Къурбан,

Я Ребби, ви рекьиз къурбанд,

Ви дуьайрик намус-виждан,

Чирна михьиз хуьз, Рамазан.

Штул Эфенди

Чими салам я зиди ваз,

Вай керемат акуна заз,

Фирдавус кьисмет хьурай ваз,

Я шейх Рамазан эфенди.

Нурламишна на Дагъустан,

Уьлкведа гьатна вакай ван,

Фирдавусдиз хьуй вун мугьман,

Я шейх Рамазан эфенди.

Вун Аллагьди ийиз хвеши,

Ви муьруьдар — эркек-диши,

Пайгъамбардиз вун я къунши,

Я шейх Рамазан эфенди.

Дин загьирна чи уьмметдиз,

Жеч, иншаллагь, вун гьич ажиз,

Незирна на муьруьдарриз,

Я шейх Рамазан эфенди.

Гьажи Юсуф я ви устад,

Уьлкведа гьатнава куь ад,

Гьуьндуьр хьурай дережа мад,

Я шейх Рамазан эфенди.

Эвер гана шейх Юсуфаз,

Ви даирдин къене къугъваз,

Сад тир Аллагь куьмек хьуй ваз,

Я шейх Рамазан эфенди.

Я шейхул агьмедул гьемди,

Ви незирдик кутур вири,

Ваз кьисметрай женнет гьуьруь,

Я шейх Рамазан эфенди.

Аферин хьуй ви камалдиз,

Вун халкь авур Сад Аллагьдиз,

Йифиз-юкъуз ибадатиз,

Я шейх Рамазан эфенди.

Хпеж Къурбан хьана сефил,

Дуьньядихъ галамачиз вил,

СиратIдилай яхъ на чи гъил,

Я шейх Рамазан эфенди.

Куьмек хьухь!

Я иллагьи, я зун музнаб,

Гьамки мухбир гьакьир яз хьуй.

Ви регьимриз авач гьисаб,

Гьамки эгьсан гъафи яз хьуй.

Я Сад Аллагь, Вун куьмек хьухь,

Гьар са муьгьтеж факъир касдиз.

Я иллагьи, ви гьиният,

Гьар са гьалда мидам яз хьуй.

Ви регьимрин гьирми гьирфан,

Гьамки игьсан несиб яз хьуй.

Я Сад Аллагь, Вун куьмек хьухь,

Гьар са муьгьтеж факъир касдиз.

Я иллагьи, ви куьмексуз,

Пара халкьар гьаркь хьана хьи,

Шумудни са пачагьар куз,

Сер гардан яз амукьна хьи.

Я Сад Аллагь, Вун куьмек хьухь,

Гьар са муьгьтеж факъир касдиз.

Ребби, Худа ви къудратдиз,

Мусахар хупI я сужандиз,

Вири алем са нефсиниз,

Халкьарин вужуд вун я хьи.

Я Сад Аллагь, Вун куьмек хьухь,

Гьар са муьгьтеж факъир касдиз.

Ви гьуькметрал ала эбед,

Несиб-мирес, велед-эвлед,

Вири икьрар вун я эгьед,

Виридан семед вун я хьи.

Я Сад Аллагь, Вун куьмек хьухь,

Гьар са муьгьтеж факъир касдиз.

Шумудни са мубталайрин,

Я Вун медед кай рикIерин,

Кьве дуьньядин сагъ крарин

Сад Первердигар вун я хьи.

Я Сад Аллагь, Вун куьмек хьухь,

Гьар са муьгьтеж факъир касдиз.

Чида заз

Инсанарин икьван пара рикI алай,

Дуьнья карвансара тир чIал чида заз.

ЧIехи крар, ксар зурба руьгь авай,

Эхир вара-зара жер чIал чида заз.

“Дуьнья туькIуьрда” лугьуз “за пакамаз”

Фелекдивай буржар кьада аламаз,

Садлагьана вири крар рикIемаз,

Саил тамам сура жер чIал чида заз.

Къуръанар, теспягьар, жузар, суьнетар,

Дустарини ийиз еке гьуьрметар,

Къизилдин амбарар, зурба девлетар,

Тек кьве йикъан кар тир чIал чида заз.

Папа гъуьлуьз ийидай затI я гьуьрмет,

Айиб авач, авай затI я муьгьуьббет,

ГьакI абурун арада ширин суьгьбет…

Папал ихтибар тежер чIал чида заз.

Хпеж Къурбан, вун дуьньядиз дуьз килиг,

Дуьнья хьурай кIамай кьадар ви кIвачик,

Эхир са къуз кьейила, накьвад вилик,

Тамам уьзуькъара жер чIал чида заз.

Нефсиниз

Гьич жедач ваз за лагьай ван,

Зун дар суруз хьайла мугьман,

Вун а юкъуз жеда душман,