Нариман Абдулмуталибоваз
Мубаракрай цIийи къуллугъ,
Фадлай а тахт я ваз талукь,
Вун цаварихъ къенлай кьулухъ,
Агакьрай сагъ яз, Нариман!
Чирагъ хьана, гьахьиз рикIе,
Къазанмишна гьуьрмет еке,
Безетмишна вуна Куьре,
Михьи гелер таз, Нариман.
Жафа таз вилик-кьулухъ,
Дамах кутаз гьар са зулук,
Хурув кьуна Ватандин муг,
Акуна вун чаз, Нариман.
Йигиндаказ вегьез камар,
На къалурна чаз ви гьунар,
Вилик фена чи гьар са кар
Ви къайгъудик кваз, Нариман.
Ви уьмуьрдал вегьез нурар,
Агъзур йисуз хтуй гатфар,
Акъатуй ви кьилиз къастар,
Шуьрбетдин вацI хъваз, Нариман!
«Лезги газетдин» 2022-йисан 22-нумрадай
