Дагъустандин Игит Ислеманаз

 

Афгъандин цIай акур стха,

Вун Аллагьди хвейиди я.

Гуьллед хура акъвазай хва

Лезги дидед хайиди я.

Гьулдандин рикI авай къене,

Вун, дагъви хва, дамах я чи.

Уьтквем лезги, дагъларин кард,

Авунвай чи миллет чIехи.

Гьукуматдин я им къимет:

Игит лагьай ганвай ваз тIвар.

Къазанмишай чIехи гьуьрмет,

Мубаракиз шад я дустар.

Вун ктабдин сагьибни я,

Афгъандин цIай рикIел хкай.

Сад Аллагьди гуй ваз къуват,

Жегьилриз дуьз рекьер къалай!

«Лезги газетдин» 2024-йисан 1-нумрадай