И йикъара Мегьарамдхуьруьн райондин администрацияда муниципальный райондин кьилин везифаяр вахтуналди тамамарзавай Гьабибуллагь Мурадалиева жавабдар къуллугъчийрихъ галаз совещание кьиле тухвана. Идакай «Лезги газетдиз» райадминистрациядин пресс-къуллугъди хабар гузва.
Совещание шад вакъиадилай башламишна. Хизандин, кIанивилин ва вафалувилин суварин сергьятра аваз, ругуд аял лайихлудаказ тербияламишай, Вирироссиядин «Йисан хизан-2018» конкурсда гъалиб хьайи Рамазановрин хизандив райондин кьил Фарид Агьмедован патай чухсагъулдин чар вахкана.
Адалай кьулухъ райондин кьили идарайринни тешкилатрин вилик эцигнавай гьакъикъи месэлаяр веревирд авунив эгечIна. Кьилди къачуртIа, хуьруьн майишатдиз, чилерин участокриз, герек тир документар авачиз кIвалахзавайбуруз, экономика «хъендикай» хкудуниз, хуьрерин михьивилин гьалариз талукь месэлаяр веревирдна.
«Лезги газет»
