4-июлдиз Кьурагь райондин администрацияда Алиев Гьамидав Дагъустан республикадин сергьятра кIвал къачун патал 1431342 манатдин кьадардин государстводин яшайишдин сертификат вахкунин шад мярекат кьиле фена. Идакай «Лезги газетдиз» райадминистрациядин пресс-къуллугъди хабар гузва.

Райондин агьалидив кIвалерин сертификат райондин кьилин заместитель Махач Хариева шад гьалара вахкана. Ада Гь.Алиеваз РД-дин зегьметдин ва яшайишдин рекьяй вилик финин министерстводин патайни, райондин администрациядин руководстводин патайни и шад вакъиа мубаракна.

Шагьадатнама вахкунин мярекатда хуьрерин поселенийрихъ галаз кIвалах тухузвай райадминистрациядин векил, райондин дишегьлийрин советдин председатель Э.Исаевади ва райондин «Дагъдин булах» газетдин редактордини иштиракна.

Вичин нубатда Гьамид Алиевани райондин ва республикадин руководствойриз чухсагъул малумарна, район, республика абадунин карда агалкьунар хьун алхишна.

«Лезги газет»