И йикъара Ахцегь райондин кьил Осман Абдулкеримован тапшуругъдалди махсус комиссияди юргъади зиян гуникди къайдадикай хкатай ЦIийи Усуррин хуьруьн хъвадай цин турбадин гьал ахтармишна. Идакай «Лезги газетдиз» райондин администрациядин пресс-къуллугъди хабар гана.
ТIвар кьунвай комиссиядин дестедик Луткунрин хуьруьн кьил А.Рагьимов, райондин ГО-дин ва ЧС-дин начальник С.Моллалиев, УСЭЗ-дин пешекар С.Агьмедов ква.
Арадал атанвай гьалариз килигайдалай кьулухъ, комиссиядин векилри 100 метрдин мензилдин участокдик квай турбаяр тади гьалда гуьнгуьна хтунин гьакъиндай къарар кьабулна.
«Лезги газет»
