И йикъара Докъузпара райондин Мискискарин хуьруьн кьил Р.Къенберов кьиле аваз, гужлу марфарин нетижада чIур хьайи чкаяр къайдадик кухтунин кIвалахар кьиле физва.
Къейд ийин, 12-июндин йифен вахтунда къвайи марфадини харци и хуьруьн мулкариз, дигидай цин къаналдиз, рекьериз ва бязибурун хсуси майишатриз зиянар гана.
Хуьруьн кьил Рузмедин Къенберова къейдзавайвал, алай вахтунда чIур хьайи вири чкаяр туькIуьр хъийизва. Дигидай целди исятда таъминар хъувунва. Алай вахтунда залан техника желбуналди хуьруьн къенепатан рекьер гуьнгуьна хтунин кIвалахар давам жезва. Вири кIвалахрик чкадин агьалийри активнидаказ чпин пай кутазва. Завалдикди зарар хьайи хизанриз куьмекар гунин месэлани гъиле кьунва.
Докъузпара райондин кьилин везифаяр вахтуналди тамамарзавай Агьмед Агьмедова зиянар хьайи вири майишатар ахтармишнава. Завалди гайи зиянриз къимет гун патал районда махсус комиссия арадал гъанва.
«Лезги газет»
