21-июндиз Мегьарамдхуьруьн райондин администрацияда здравоохраненидин къуллугъчийриз гзаф йисара нетижалу зегьмет чIугунай гьуьрметдин грамотаяр гунин шад мярекат кьиле фена. Идакай «Лезги газетдиз» райадминистрациядин пресс-къуллугъди хабар гузва.
И йикъара здравоохраненидин хиле кIвалахзавайбуру чпин пешекарвилин сувар къейдна. Райондин кьил Фарид Агьмедова райондин вири медкъуллугъчийриз сувар тебрикна ва халкь патал хъсандиз зегьмет чIугунай сагърай лагьана.
Тафаватлу хьанвай духтурриз РД-дин здравоохраненидин патайни гьуьрметдин грамотаяр гана. Райондин кьили тапшурмишуналди, духтуррив наградаяр райондин кьилин сад лагьай заместитель Гьабибуллагь Мурадалиева вахкана. Мярекатда ЦРБ-дин кьилин духтур Гьажибала Беглеровани иштиракна.
«Лезги газет»
