Ахцегь райондин Хкемрин хуьруьн школада библиотека кардик кваз гзаф йисар я. Алай вахтунда адан заведующийвиле Эсмира Мусаевади кIвалахзава. Библиотекадин фондуна 2000 ктаб ава. Абурукай 800 учебникар я. Библиотека авай чка гзаф дарискъалди ятIани, школада кIелзавай хейлин аялри ктабрикай активнидаказ менфят къачузва (шикилда).
Дилбер Мердалиева, Алина Саидова, Шапери Абдурагьимова, Камила Эмирова, Эмина Назаралиева ва масабур ктабрин халис дустар я. ИкI, абуру чпин чирвилеринни кьатIунрин дережа хкажзава.
Рагьидин Эминов
