Дагъустандин госфилармониядин халкьдин милли музыкадин “Макьам” ансамбль, республикадин культурадин министр Зарема Бутаевади тереф хуьналди, 2018-йисан июлдиз яратмишна. Адан макьсад халкьдин музыка, алатар машгьур авун, гьакIни халкьдин манидарвал вилик тухун я. Ансамблдин репертуарда халкьдин манияр, Дагъустандин композиторрин эсерар ава. Адан кьетIенвилерикай сад фадлай таниш ма­нияр итижлудаказ цIийи хъувун я.

Ансамбль кардик квай са куьруь вахтунда адакай Москвада тухвай “Кеферпа­тан Кавказ — ислягьвилин, искусствойрин битав кIватIал!” ва Нальчикда тухвай “Же­гьилар, искусство, яратмишун!” ачух фес­тивалрин иштиракчи хьана. Да­гъус­тан­да кьиле тухузвай концертрани активвилелди иштиракзава. Ансамблдин худо­же­ст­венный руководитель Шамил Шери­фа­лиев (тар язава, флейта — Гуьлнара Керимханова, гитара — Гьажи Саидов, перкус­сия (кахон, дойра, далдам) — Эльмар Ше­­ри­фалиев), коллективдин иштиракчияр пешекар музыкантар, Вирироссиядин ва международный конкурсрин лауреатар я.

Дашдемир Шерифалиев