«Лезги газетдиз» Ахцегь райондин администрациядин пресс-къуллугъди хабар гузвайвал, и йикъара Ахцегь райондин 2-нумрадин мектебда «Чан алай классика» лишандик кваз жегьил кIелчийрин международный конкурсдин райондин пай кьиле фена.

КIелунин рекьяй чпин устадвални фасагьатвал къалурун патал райондин 8 мектебдин аялри конкурсда иштиракна. Райондин образованидин управленидин пешекаррикай ва мектебрин муаллимрикай ибарат жюридин дестеди конкурсда иштиракайбурун кIелунин устадвилиз къимет гана. Нетижада 1-чка ЦIийи-Усуррин хуьруьн мектебда кIелзавай Г.Султановади ва 2-чка Калукрин мектебда кIелзавай К.Азимовади кьуна. Пуд лагьай чка Ахцегьрин 1-нумрадин мектебда кIелзавай А.Гьасановади, Ахцегьрин 2-нумрадин мектебда кIелзавай А.Мегьамедалиева ва А.Гьажиева чпин арада пайна.

Муниципальный паюна гъалиб хьайи ученицади райондин патай республикадин дережадин паюнани иштиракда.

«Лезги газет»