Малум тирвал, Ахцегь райондин кьил Осман Абдулкеримован теклифдалди Ахцегь хуьре радиодай хабарар гудай тадаракар кардик кутуна са шумуд варз я. Халкьдиз радиодай итижлу хабарар раижзава. И гьакъиндай «Лезги газетдиз» райадминистрациядин пресс-къуллугъди хабар гузва.
И йикъара Хуьруьгрин медениятдин кIвалени радиодай халкьдиз хабарар гун патал лазим тир тадаракар кардик кутунва. Гила и хуьруьн паркуна ял язавай ксарин япаризни «Рахазва Ахцегь» келимайрин ван жеда. Программадин сергьятра аваз агьалийриз гьар юкъуз кьве сеферда райондин, республикадин хабаррихъ, милли манийрихъ ва театрдин нумрайрихъ яб акалдай мумкинвал жеда.
«Лезги газет»
