Мукьвара Москвада спортдин какахьай жуьредин женгерай (ММА) «Женгчидин рехъ» лишандик кваз кьиле фейи акъажунра Докъузпара райондай тир Алим Саидовани иштиракна. Докъузпара райондин администрациядин пресс-къуллугъди «Лезги газетдиз» хабар гузвайвал, 24 йисан яшда авай усугъчайви Алим Саидовахъ спортдин рекье хейлин агалкьунар ава.

Нубатдин акъажунра кьиле тухвай пуд бягьсинани Алима гъалибвал къачуна ва сад лагьай чка кьуна. Алим Саидов алай вахтунда Москвада яшамиш жезва. Ам спортдивай садрани къерех жезвач. Къуй адахъ мадни зурба акъажунра гъалибвилер хьурай!

«Лезги газет»