И йикъара Мегьарамдхуьруьн райондин кьил, МР-дин АТК-дин председатель Фарид Агьмедова АТК-дин членрихъ галаз кIвалахдин рекьяй гуьруьш кьиле тухвана. Идакай «Лезги газетдиз» райондин администрациядин пресс-къуллугъди хабар гузва.

Ана МР-дин кьилин сад лагьай заместитель Гьабибуллагь Мурадалиева, райондин ОМВД-дин начальник М.Эминова, УО-дин начальникдин заместитель А.Гьажиевади ва АТК-дин членри иштиракна.

Совещание ачухуналди, Фарид Агьмедова и мукьвара РД-да республикадин кьил В.Васильеван регьбервилик кваз АТК-дин гегьенш заседание кьиле фейидакай рикIел хкана. Ана милли АТК-дин председателдин заместитель Игорь Сироткинани иштиракна.

Ф.Агьмедова АТК-дин аппаратдин вилик акъвазнавай важиблу месэлаяр рикIел хкана. Кьилди къачуртIа, ада РФ-дин мулкара терроризмдин идеологиядиз аксивалунин комплексдин пландин сергьятра аваз райондин мулкара нетижалу серенжемар кьиле тухунин важиблувиликай лагьана. И жигьетдай яз кIвалахар вахт-вахтунда, макьсаддив агакьдайвал, вири къурулушрихъ ва къуллугърихъ галаз санал тухун герек я.

«Планда къалурнавай серенжемрилай гъейри, чна гьар са камуна акьалтзавай несилдиз тербия гун, абуруз вуч хъсан ятIа, вуч пис ятIа чирун, уьмуьрдай бязи мисалар гъуналди суьгьбетарун лазим я», — лагьана Ф.Агьмедова.

«Лезги газет»