РФ-дин Госдумадин депутат А.Эмиргьамзаеваз

Кьилиз акъатна чи мурад-метлеб,

Ава чи хуьре къе цIийи мектеб.

Акур чIавуз вич жезва чаз хвеши,

КIелунрин рекье артух жез ашкъи.

 

ЦIийи свас хьиз и мектеб аквазва,

Гуя дарамат чав хуш рахазва.

Инай акъатай рухвайри зурба,

Хийирлу крар ийизва пара.

 

Ина кIел авур чи кьегьал са хва

Депутат я къе чи Госдумада.

Хайи жемятдиз авуна куьмек,

Эцигна хуьре дарамат гуьрчег.

 

Гелхенвияр, эхь, хьана пара шад,

Мектебдин ракIар ахъаяй чIавуз.

Хуьруьнвиярни кIвачин хьанва мад

Абдулгьамидаз аферин лугьуз.

Лезгият Шагьпазова,10-классдин ученица