Меркезда Р.Гьамзатован тIварунихъ галай Милли библиотекадин чIехи къуллугъчи, РД-дин культурадин лайихлу работник, лезги тават  Секинат  Мусаевадиз:

Ви руьгь сагърай, къамат ганвай цуькведин,

Ваз тешпигь я, белки, емиш нуьгведин.

Ви рахун саз, акьул экуь чирагъ я,

Югъ ачухиз къарагъзавай гьа Рагъ я!

Ачухзава  чирвилерин алем на,

Къуьруь ийиз тадач садав къелем на!

Сагърай, сагърай икьван жумарт къилихдай!

Вири жуьре тарифар ваз лайих я…

Ви гуьзел юбилей тебрикзавай “Лезги газетдин” редакциядин коллектив.

Секинатаз

Аквазва заз гьар юкъуз вун меркезда,

Ислягь лиф хьиз, вичин мукал элкъвезвай.

Секинат вах — милайим руш дагъларин,

Сагъ хьурай вун ктабрихъ акI гелкъвезвай.

 

Ктабхана, кардик квай чи меркезда,

Гьамзатан хва, чи Расулан тIвар алай.

Лезги руша кьетIен зегьмет чIугвазва, —

Гьисабзава везифа яз кар алай.

 

Вафалувал къалурзавай пешедиз,

Са нукьсанни квачир чи вах, бахт я ви,

Вун гекъигиз жеда анжах шуьшедив,

Пачагьдин хьиз, тахт я ам ви эбеди…

Шагьабудин  Шабатов