Мукьвара Дагъустандин меркездай и республикадинни Азербайжандин часпардал кьван фидай электричка кардик акатда.
И месэладиз талукь тир икьрардал РД-дин улакьрин министерстводин кьил Ширухан Гьажимурадова ва «Северо-Кавказская пригородная пассажирская компания» АО-дин директор Евгений Ермакова къулар чIугуна. Министрди тешкилатдин регьбердихъ галаз Махачкъаладай Хасавюртдиз ва Дербентдай чи республикадинни Азербайжандин часпардихъ физвай поездрин кьадар артухунин мумкинвилерикай ихтилатарна.
Малумарзавайвал, икьрарди Махачкъала – Хасавюрт, Махачкъала – Дербент, Махачкъала – Азербайжандихъ галаз чи часпардал кьван пассажирар тухун къалурнава.
Къейд ийин, идалай вилик поездда аваз Азербайжандихъ галаз авай чи часпардал кьван анжах Дербентдай физ жезвай.
«Лезги газет»
