2018-2019-йисарин муддатда республикадин, муниципалитетрин ва чкадин метлеб авай улакьрин рекьер хъсанарунин гьакъиндай тир РД-дин госпрограмма уьмуьрдиз куьчуьрмишунин сергьятра аваз, Мегьарамдхуьруьн районда республикадин метлеб авай «Гъепцегь-Рутул» шегьре рекьин 2,5 километрдин мензилдин участок ремонтунив эгечIнава.
«Лезги газетдиз» Мегьарамдхуьруьн райондин администрациядин пресс-къуллугъди хабар гузвайвал, рекьер абадунин кIвалахар давамаруналди, Мегьарамдхуьруьн райондин хуьрерин къенепатан рекьерни цIийи хъувунин, къир цунин кIвалахар кьиле тухузва. Кьилди къачуртIа, алай вахтунда ихьтин кIвалахар Оружба хуьруьн Шайдаеван, Чубанован ва Лезгинцеван тIварарихъ галай куьчейра кьиле физва. Идалайни гъейри, Тагьирхуьруьн-Къазмайрин, Гилийрин хуьрерин куьчейриз чиргъ вегьезва, КьепIир-Къазмайрин хуьруьн куьче, дуьз хъувуна, къир цадай гьалдиз гъанва.
«Лезги газетдиз»
