И мукьвара Махачкъалада кардик квай «Мавел» чапханада лезгийрин тIвар-ван авай шаир, РД-дин культурадин лайихлу къуллугъчи Сажидин Саидгьасанован «Хкягъай эсерар» тIвар алай шииратдин кIватIал чапдай акъатна. Идакай «Лезги газетдиз» Сулейман-Стальский райондин администрациядин пресс-къуллугъди хабар гузва.

Ктабдиз сифте гаф кхьенвай Дагъустандин халкьдин шаир Арбен Къардаша къейднавайвал, Сажидин Саидгьасанов халкьдиз мукьва, халисан халкьдин шаир я; адан эсеррай халкьдин къанажагъ, ацукьун-къарагъун аквазва.

Сажидин Саидгьасанов цIудралди ктабрин автор я. Нубатдин цIийи ктабдиз «Хкягъай эсерар» тIвар ганвайвиляй ана философиядин, муьгьуьббатдин ва яшайишдин хкягъай шиирар гьатнава.

«Лезги газет»