Квез чидани?

Амазонка вацIа билбилжегьре рангунин дельфин яшамиш жезва.

Вечре йисан къене 200-дав агакьна какаяр хазва.

Деведивай яд хъун тавуна кьве гьафтеда дурум гуз жеда.

Уьмуьрдин яргъивилел гьалтайла, хъалхъас хъиперни инсанар сад-садаз ухшар я.

Тарантулдивай (зегьерлу хушракан) тIуьн галачиз 2 йисуз кьван дурум гуз жеда.

Вили ранг ветIерин рикI алайди я.

Дуьньяда ветIерин жуьреяр 2500 кьван ава.

Дельфинри, ксанвайла, са вил гьамиша ахъаз тада.

Жигерар авачирвиляй гьашаратри вири бедендай нефес чIугвазва.

Чан алайбурукай эсиллагь азар акат тийидайди акула я.

ТIавус къушран тумунин цIакулрал 2 метр кьван яргъивал жеда.

Чилел ва я це яшамиш жезвай гьайванрикай виридалайни чIехиди вили кит я.

Китайда панда (сев) яна кьейидаз кьиникьин жаза гузва.

Балугърин луж миллиарддив агакьна балугърикай ибарат хьун мумкин я.

Таракандивай кьил галачизни, гишинвили кьиникьал гъидалди, уьмуьр давамариз жеда.

Адетдин кьуьгъуьрдин цацарин кьадар 10 агъзур кьван я.

Филдин таза шарагдин заланвал 100 килограмм кьван жеда.

Бегемотривай цени, кьураматдални ксуз жеда.

Осьминогдиз пуд рикI ава.

КIекIедивай са секундда 20 сеферда кIуф ягъиз жеда.

Гьазурайди — Куругъли Ферзалиев