И йикъара Бахрейнда ММА-дай кьиле фейи дуьньядин чемпионатда 52 уьлкведай къуватлу спортсменри иштиракна. «ЛезгиЯр» милли порталди хабар гузвайвал, 57 килограмдал кьван заланвал авайбурун арада Мегьарамдхуьруьн ЦIелегуьнрин хуьряй тир Руслан Сатиева дуьньядин чемпионатда гъалибвал къачуна.
19 йисан яшда авай лезги спортсменди Бахрейндай тир Мугьаммад Альмуамаридин винел гъалибвал къачуна.
Къейд ийин, чемпиоанатда виридалайни гзаф медалар Россиядин хкягъай командади къазанмишна. 5 къизилдин ва 1 гимишдин медалар авай Россиядин командади сад лагьай чка кьунва.
«Лезги газет»
