Алай йисан 22-ноябрдиз Москвадин миллетрин кIвале Дагъустандин машгьур алим, шаир ва таржумачи Мегьамед-Гъалиб Муьгьуьддинович Садыкъи дидедиз хьайидалай инихъ 100 йис тамам хьуниз талукьарнавай межлис кьиле фида. Идакай «Лезги газетдиз» рагьметлу алимдин багърийри хабар гана.
Нянин сятдин вадаз гатIундай мярекатда алимри, лезги интеллигенциядин векилри, Мегьамед-Гъалиб Садыкъидин мукьва-кьилийри, студентри ва масабуру иштиракда.
Къейд ийин хьи, алимди лезги литературадин тарихда кьетIен гел тунва. Ада неинки са лезги, гьакI Дагъустандин амай халкьарин чпин яратмишунар араб чIалал теснифай са жерге векилрикай цIийи малуматар жагъурна, хуьрера тарихдин метлеб авай гъилин хатIарин дафтарар кIватIна. Абурукай хейлинбур исятда ДГУ-дин ктабханадин гъилин хатIарин отделдин кьилин фондуна ава.
Мегьамед-Гъалиб Садыкъиди Етим Эминан ирс кIватI хъувунин кардикни еке пай кутунва.
«Лезги газет»
