3-октябрдиз Дагъустан республикадин Кьил Владимир Васильеван «Государстводин наградаяр гунин гьакъиндай» къарардалди образованидин хиле къазанмишнавай лайихлувилерай, гзаф йисара гьакъисагъвилелди зегьмет чlугунай Сулейман-Стальский райондин кьве муаллимдиз РД-дин лайихлу муаллимвилин тlвар гана. Идакай «Лезгияр» милли порталди хабар гузва.

Лайихлу тlвар гайибурукай сад Цlийихуьруьн юкьван умуми мектебдин муаллим Гьейдарова Шерфехалум Эминовна ва М.Къараханован тlварунихъ галай Кlварчагърин юкьван мектебдин муаллим Къадималиева Гьуриягь Абдулсалигьовна я.

Бегьерлувилелди зегьмет чlугвазвай муаллимрихъ къуй мадни кьакьан агалкьунар хьурай!

«Лезги газет»