И йикъара Ахцегь райондин КЦСОН-дин дараматда яшлубурун Международный югъ къейдна.
Шад мярекатда «Ахцегь район» МР-дин кьил Осман Абдулкеримова, райадминистрациядин аппаратдин руководитель Вадим Агъасиева, общественный палатадин председатель Али Исмаилова, «Цlийи дуьнья» газетдин кьилин редактор Дашдемир Шерифалиева, КЦСОН-дин къуллугъчийри, райондин яшлу агьалийри ва масабуру иштиракна.
Мярекат КЦСОН-дин начальникдин заместитель Ф.Гьамзаевади ачухна ва ада яшлубуруз талукь тир вирихалкьарин сувар арадал атунин тарихдикай ихтилатна. Малум хьайивал, 1992-йисалай яшлу инсанрин югъ чи уьлкведа гьукуматдин сувар хьиз 1-октябрдиз къейдзава.
Яшлубуруз шад сувар райондин кьил О.Абдулкеримова, КЦСОН-дин начальник М.Мусанабиевади, зегьметдин ветеранар тир Агъаверди Агъаева, Асият Рагьимовади ва теклифнавай маса мугьманри тебрикна.
Суварин мярекат суфрадихъ наз-няметар тlуьналди, мугьманриз гуьгьуьлар шадардай концерт гуналди куьтягь хьана.
«Лезги газет»
