Сулейман-Стальский районда Дагъустандин халкьарин садвилин суварин вилик «Михьи район» лишандик квай гегьенш субботник кьиле фена. Идакай «Лезги газетдиз» райондин администрациядин пресс-къуллугъди хабар гузва.
Райондин кьил Нариман Абдулмуталибован теклифдалди гегьенш субботник райондин АС-дин ва ЖХК-дин отделди тешкилна. Бигердик мярекатдик иллаки райадминистрациядин, хуьрерин администрацийрин, образованидин идарайрин коллективри чlехи пай кутуна. Кьилди къачуртlа, район абадвилихъни михьивилихъ элкъуьрунин мураддалди тешкилай субботникдин иштиракчийри райондин кьилин куьчеяр, образованидин идарайрин ва хуьрерин кьилин куьчеярни общественный чкаяр зирзибилрикай михьи авуна. Дигидай цин къаналар, памятникар, паркар ва маса чкаярни къайдадик кутуна. Герек чкайрал тарар обрезка авуна, лазимсуз чкайрал арадал гъанвай зирзибилрин хъуртар тергна ва икl мад.
«Лезги газет»
