Дагъустан Республикадин Кьилин къуллугъдал хкянавай ва вичин везифайрив эгечIнавай Владимир Васильева 61 йисан яшда авай Ильяс Умаханов  республикадин исполнительный властдин патай Федерациядин Советдин вице-спикервиле тайинар хъувуна.

Къарарда къейднава: “Дагъустан Республикадин  государственный властдин исполнительный органдин патай РФ-дин Федеральный Собранидин Федерациядин Советдин членвилин векилвилер Умаханов Ильяс Мегьамед-Саламовичаз гун”.

Дагъустан Республикадин Халкьдин Собранидин патай сенатор Сулейман  Абусаидович Керимов я.

И.Умаханов 1957-йисуз дидедиз хьана. Ада СССР-дин МИД-дин международный алакъайрин Москвадин госинститут куьтягьна. Сенаторвилин векилвилер ихтибардалди ам РД-дин Гьукуматдин Председателдин заместитель, 2002-2011-йисара РФ-дин Федерациядин Советдин международный крарин рекьяй комитетдин председателдин сад лагьай заместитель тир.

Чи мухбир