Сад лагьай каналдин «Голос» шоудин 14-сезондин гъалибчи Эльмира Къарахановади мукьвара Дербентда кьиле фейи «Лезги гъед» премия вахкуниз талукьарнавай мярекатда (концертда) иштиракунай вичиз гайи гьакъи яд акьалтунин нетижада Кьиблепатан Дагъустанда зиянар хьайи хизанрин арада пайна.

Манидардин тIварцIихъай 100 агъзур манат и йикъара кьве хизандив Кьурагь райондин КIирийрин хуьре гьар йисан гатуз ахъайзавай «Лекьрен муг» лагердин регьбер Садикь Гьасанова вахкана.

РикIел хкин, Эльмира Къараханова Новокузнецк шегьерда дидедиз хьана. Адан буба — лезги (Хачмаз районда авай Худат шегьердай я), диде татарви я. Москвадин Чайковскийдин тIварцIихъ галай консерватория акьалтIарнавай лезги руша вичин ванцелди цIи вири уьлкве гьейранарна: ам «Голос» шоуда гъалиб хьана.

Агьмед  Магьмудов