Алай гьафтедин эвел кьилера республикадин Кьилин везифаяр вахтуналди тамамарзавай Фёдор Щукина Запорожьедин областдин Михайловский округдин кьил Вячеслав Беднякахъ галаз округда арадиз хкунин жигьетдай кьиле тухванвай кIвалахрин нетижаяр кьуна ва вилик акъвазнавай месэлаяр веревирдна.
Къейд ийин хьи, Дагъустанди Михайловский округда 2023-йисалай арадиз хкунин кIвалахар кьиле тухузва. И йисара ина цIудралди мектебар, аялрин бахчаяр, медениятдин объектар, духтурханаяр, кьакьан гьавайрин кIвалер ва маса дараматар цIийикIа туькIуьр хъувуна.
Идалай гъейри, Дагъустанди тIвар кьунвай округдин агьалийрив недай-хъвадай суьрсетни яшайишда герек къведай жуьреба-жуьре затIар агакьарна. Дагъустанвийри — духтурри ина 200-дав агакьна операцияр кьиле тухвана, начагъ вишералди агьалийриз медицинадин рекьяй меслятар гана. Гьар йисан гатун вахтунда округдин аялри Каспий гьуьлуьн къерехра авай лагерра ял язава.
Алай йисуз кьиле тухузвай кIвалахрикай рахайтIа, цIи округда 19 объект цIийикIа туькIуьр хъувун фикирдиз къачунва. Абурун арада спортзал, музыкадин мектеб, духтурхана, кьакьан гьавайрин кIвалер ва маса дараматар ава.
Вячеслав Бедняка Михайловский округдиз вири рекьерай куьмекар гунай Дагъустандин кьилевайбуруз, вири дагъустанвийриз сагърай лагьана.
Гегьеншдиз РД-дин Кьилин сайтдай кIелиз жеда.
Агьмед Магьмудов
