26-июндиз Махачкъалада Дуст­ви­лин кIва­лин майдандал кьиле фидай вирироссиядин зегь­метдалди таъ­минарунин «Рос­сияда кIвалах. Мумкинвилерин­ вахт-2026» мекерада 105 компанияди 2000-далай гзаф кIвалах­д­ин азад чкаяр майдандиз акъудда, хабар гузва РД-дин зегьметдин ва яшайишдин рекьяй виликди тухунин министерст­води. 

Мекеради агьалийриз са йи­къан­ вахтунда кIвалахдалди таъминарзавайбурухъ­ галаз гуьруьш­миш жедай, экспресс-ихти­ла­тар ийидай ва теклиф къачудай мумкинвал гуда.

Винидихъ къейднавайвал, агъузбур­ тушир мажибралди таъминарнавай кIва­лах­дин 2000-далай гзаф чкаяр тек­лифда: промышленностдин, оборона­дин ва недай-хъва­дай шейэрин комп­лекс­ра, энергетикадин, транспортдин, здравоохраненидин ва маса хилера.

Мекерадин иштиракчияр патал­ вижевай программа гьазурнава. КIва­лахдин рекьяй психологри и ва я маса касдин рикIе авай манийвилер алудиз, секинвал хуьз куьмекда, жувакай хабар гузвай делилар дуьздаказ агакьариз чирда. Зегьметдалди таъминардай къуллугъдин пешекарри  пешедин жигьетдай дуьз рехъ туькIуьриз, кутугай кIвалах хкягъиз ва я пулсуздаказ маса пеше къачун патал арзаяр гьазуриз куьмекда. Мекерадин мугьманриз образованидин кар алай тешкилатри гьазурнавай мастер-классра, квест-къугъунра иш­тиракдай мумкинвал жеда.

Саида  Мурадова