Ивигар СтIал Сулейманан райондин гадарнавай хуьрерикай сад я. Ам райондин рагъакIидай пата, Кьасумхуьруьвай 8,5 километрдин мензилда, экIя хьанва. Вири Куьре округ хьиз, ХIХ асирда Ивигарни Урусатдин империядик акатна.
Хуьруьн бине кутур дуьм-дуьз вахт тайинарнавач. Адан тIварцIин манани пешекарри ачухарнавач. Вилик девирда Ивигар Цмуррин хуьруьн жемиятдик (общество) квай.
1866-йисан переписдин делилралди, хуьре 68 майишат ва 351 агьали (211 итим ва 140 дишегьли) авай. 1966-йисуз Кьиблепатан Дагъустанда хьайи залзаладилай кьулухъ ивигвияр Кьасумхуьрел (ЦIийи поселокдиз) куьч хьана.
Мурад Мегьамедкеримован
«СтIал Сулейманан район: тарихдин гелерай» ктабдай.
