М. Ломоносован тIварцIихъ галай МГУ-дин студентка, сиясатчи, журналист, Госдумадин къвалав гвай Жегьилрин парламентдин информациядин сиясатдин рекьяй комиссиядин векил Зарина Рфагьмановадихъ и мукьвара мад са зурба агалкьун хьанва: международный дережадин «Урус чIалал рахазва, кхьизва, фикирзава» машгьур конкурсда гъалиб хьун.

Къанни ругуд уьлкведай, гьа жергедай яз Франциядай, Италиядай, Португалиядай, Туьркиядай, Швециядай, Вьетнамдай, Египетдай ва масанрай тир журналистри иштиракай конкурс­дин жегьилрин номинацияда сад лагьай чка кьун дамах ийиз­ жедай агалкьун я. Чара уьл­квейрилай гъейри, Россиядин 20 шегьердин журналистрини кон­курсда чпин алакьунар ахтармишна. Пешекаррикай ибарат жюриди лезги рушан бажарагъдиз еке къимет гана.

Къейд ийин, гъалибчийрив шабагьар вахкунин шад мярекат 19-майдиз Москвада кьиле фе­на. Ери-бине Кьурагь райондай тир Зарина Рагьмановадиз чна нубатдин агалкьун мубаракзава.

С. Салимов