2026-йисан 31-майдиз Лезги театрда Лезгийрин милли медениятдин федерациядин дережадин автономияди арадал гъанвай халкьдин «Лезги гъед» премия вахкуниз талукьарнавай мярекат пуд лагьай сеферда кьиле фида.
ФЛНКА-ди яшайишдин жуьреба-жуьре хилера лайихлувилер къалурай ватанэгьлийрив лезги гамунин машгьур нехишдин тIвар ганвай махсус шабагьар ингье пуд лагьай сеферда вахкуда. Абур хайи чIал, меденият, тарих хуьнин, машгьур авунин, милливал мягькемарунин рекье агалкьунар къалурнавай лезги халкьдин векилри къачуда.
Мярекат, адет тирвал, девлетлу медениятдин программади мадни гурлу ийида. Къейд ийин хьи, шадвилин межлис лезги чӀалал кьиле фида. Мярекатда ашкъи авай гьар садавай гьавая иштиракиз жеда, амма виликамаз ФЛНКА-дин телеграм-каналда регистрация авуна кIанзава.
«ЛГ»
