СтIал Сулейманан райондин халкьдин манийрин ансамблдин регьбер Омар Меликоваз «Дагъустан Республикадин халкьдин артист» лагьай гьуьрметдин тIвар ганва. Шабагь адав РД-дин Кьилин везифаяр вахтуналди тамамарзавай Фёдор Щукина вахкана.
Омар Меликов машгьур манидар, ашукь я. Халкьдин гегьенш къатариз ам «Беневша» ВИА-диз регьбервал гузвай йисара машгьур хьанай. Алай вахтунда ада СтIал Сулейманан райондин администрациядин медениятдин управленидин начальникдин заместитель яз кIвалахзава. Виликдай адаз РД-дин Кьилин Указдалди «РД-дин медениятдин лайихлу къуллугъчи» ва «РД-дин лайихлу артист» тIварар ганай.
«Лезги газетдин» редакциядин коллективди Омар Меликоваз цIийи тIвар мубаракзава ва лезги халкьдин девлетлу меденият мадни машгьурунин карда еке агалкьунар хьун алхишзава.
«ЛГ»
