Махачкъаладин админист­ра­циядин къарардалди респуб­ликадин меркезда авай газет­ринни журналрин са шумуд киоск агалнава. Редакциядиз РД-дин информациядин ва печатдин Агентстводик акатзавай «Даг­госиздат» ГАУ-дай хабар гайивал, и кардин кьилин себеб абур къанундал амал тавуна кардик кутун тир. Малум тирвал, Махачкъалада неинки тек са киоскар, гьакIни къанунсуздаказ эцигнавай маса дараматарни чукIурнава.

Чахъ авай делилралди, меркезда 3, 5, 7, 8, 9, 29, 30, 33, 59, 60, 68-нумрайрин киоскар агалнава (абур ихьтин адресра кардик квай: Дахадаева 24/4, Буйнакского 11, Р. Гамзатова 57, Абубакарова 1, Р. Гамзатова 66, И. Шамиля 18, И. Шамиля 45, Каримова 4/1, А. Султана 2б/7, И. Шамиля 46, А.Г. Акушинского 94/8).

Агалнавай киоскрай газетар, журналар кхьенвайбурувай изданияр Имам Шамилан тIварцIихъ галай проспектда авай 25-нумрадин киоскдай ва Расул Гьамзатован тIварцIихъ галай проспектда авай милли ктабханада кардик квай «Книжный мир» туьквендай вахчуз жеда.

Эгер цIийи адресрай газетар, журналар вахчун къулай туштIа, маса адресра авай киоскрив агакьарна кIанзаватIа, квевай и кардикай, агъадихъ галай нумрайриз зенг авуна, хабар гуз жеда: 8928-298-00-50 (Альфира Мусаджиева) ва 8989-449-48-04 (Ибрагьим Абдулгьакимов). Газетар киоскрив вахтунда агакь тавур ва я михьиз агалнавай дуьшуьшрани, и нумрайриз зенгна, хабар це.

«Лезги газет»