РАН-дин Востоковеденидин институтдин 5 йисан къене директор яз чи ватанэгьли Аликбер Аликберов хкя хъувуна. Идакай журналист Ханжан Къурбанова вичин телеграм-каналда хабар гана.
Къейд ийин хьи, тарихдин илимрин доктор Аликбер Аликберован бинеяр Хив райондин Хъукьварин хуьряй я.
Чи ватанэгьлиди Россиядин илимрин академияда фадлай кIвалахзава. 2020-йисалай лагьайтIа, ада академиядин кар алайбурукай сад тир Востоковеденидин институтдиз регьбервал гузва. Къейд ийин хьи, РАН-дин мад са институтдин (философиядин) кьиле чи ватанэгьли алим гьуьрметлу Абдусалам Гьуьсейнов акъвазнава.
«Лезги газетдин» редакциядин коллективди
Аликбер Къалабеговичаз и шад кар мубаракзава ва адахъ мадни еке агалкьунар хьана кIанзава.
