Чи кьегьал рухвайри Украинада кьиле физвай махсус серенжемда къагьриманвилер къалурун давамарзава. Ахьтинбурун арада Кьурагь райондин Гелхенрин хуьряй тир Ризван Алавудинович Шагьпазовни ава.
Ризвана СВО-да сифте йикъалай иштиракзава. Алай вахтунда старший сержант Шагьпазова расчетдин начальникдин везифаяр тамамарзава ва Курскдин область тамамдиз мидяйрикай азад авуник вичин пайни кутазва.
ВикIегь гелхенвидин кьегьалвилер командованидин патай фикир тагана амукьнач. Ватандин вилик хивевай везифа намуслувилелди тамамарунай, СВО-да дяведин рекьяй гузвай гьар са тапшуругъдив жавабдарвилелди эгечIунай Ризван Шагьпазов мукьвара «Дирибашвиляй» медалдиз лайихлу хьанва.
Старший сержантдин кьегьалвал руьгьдин къуватдин чешне я. Къуй дявеяр акьалтIрай ва Ватандин аслу туширвал хуьзвай чи жуьрэтлу аскерар гъалибвал къачуна, сагъ-саламатдиз хтурай!
Чи мухбир
